Albanski forum: AMFILOHIJE sijao mržnju prema Albancima, Bošnjacima i Muslimanima, Crnogorce nije priznavao
Iz Albanskog foruma (AF) kazali su da su razlozi napuštanja današnje sjednice Vlade Crne Gore formalni i suštinski. Naime, ministri iz manjinskih partija Albanaca i Bošnjaka napustili su današnju sjednicu Vlade zbog njene namjere da da saglasnost za podizanje spomenika pokojnom mitropolitu crnogorsko primorskom Amfilohiju Radoviću u Beranama. U obrazloženju iz AF su naveli da je Amfilohije “sijao mržnju nazivajući pogrdnim i uvredljivim imenima Albance, Bošnjake i Muslimane”, te da Crnogorce “kao naciju nije priznavao”.
<<<Ministri iz manjinskih partija napustili sjednicu Vlade zbog spomenika Amfilohiju<<<
Formalni su, jer kako su pojasnili iz AF, materijal koji je Vladi dostavljen na razmatranje “je nepotpun i neuredan”.
“Ne sadrži ono što je propisano da dokument koji Vlada razmatra mora da sadrži. Nema ni dokumenta o stavljanju van snage Rješenja koje se pominje”, navedeno je u obrazloženju AF dostavljenom medijima.
Novi materijal, kako kažu, “nije razmatran na komisijama.”
“Suštinski: Amfilohije Radović je sijao mržnju nazivajući pogrdnim i uvredljivim imenima Albance, Bošnjake i Muslimane, ali i Crnogorce koje kao naciju nije priznavao. Iskazivao je i širio mržnju prema Zapadu i demokratskim državama i društvima i prema našim susjedima, a podržavao najnazadnije i najretrogradnije države i režime”, pojasnili su iz AF.
Negativno se, prema njihovim riječima, izražavao “ne samo prema nacionalnim, već i svim drugim manjinama”.
“Hvalio je osuđene ratne zločince i umanjivao njihove zločine. Nije bez razloga u svakom demokratskom društvu i red i propis da do podizanja spomenika bilo kome treba da prođe vremena jer se svačije djelo ispravno cijeni tek sa istorijskom distancom”, dodaju iz Foruma.
Dakle, prema njihovim riječima, dovoljno je i formalnih i suštinskih razloga da “akt ne bude razmatran na sjednici Vlade”.
“Pored toga, predlog je u suprotnosti sa sporazumom koji smo potpisali da ćemo po svakom pitanju koje nas dijeli imati koordinaciju s ciljem postizanja dogovora. Kada su iz dnevnopolitičkih razloga ignorisani i propisi, i dogovor i običaji i tradicija i dosadašnji odnos unutar vladajuće koalicije nije ostalo ništa drugo bez da danas napustimo današnju sjednicu Vlade, a neće biti jedina odluka”, zaključuju iz Albanskog foruma.
izvor: cdm.me
Hrvatska je s dvije pobjede već nakon 2. kola osigurala Read more
„Srbija je u pregovorima oko Kosova spremna na kompromis, ali Read more
Gulijev oborio rekord evropskih prvenstava na 200 metara... Bilo je Read more
Kada je hrvatske fudbalere u Zagrebu dočekalo pola miliona navijača, Read more