ALBIN Kurti: ALEKSANDAR Vučić naredio, MILAN Radoičić egzekutor, rat je trebao da počne 24. septembra 2023… (foto, video)

ALBIN Kurti je rekao da je situacija sada mirna zbog kosovske policije, ali da ponovne agresije nisu isključene…

PRIŠTINA: Kosovo, Crna Hronika, vijesti, subota, 30. IX. 2023… 00: 48… ALBIN Kurti: ALEKSANDAR Vučić naredio, MILAN Radoičić egzekutor, rat je trebao da počne 24. septembra 2023… (foto, video)

Za dvije i po godine koliko sam ja na vlasti mi smo uništili devet laboratorija za proizvodnju droge baš tamo na sjevernom dijelu Kosova.

Milan Radoičić, čelnik Srpske liste, samo je egzekutor nedeljnog napada na Sjeveru Kosova, dok ga je predsjednik Srbije, Aleksandar Vučić, isplanirao i naredio, kazao je kosovski premijer, Albin Kurti u razgovoru za Al Jazeeru.
 
On je naveo kako „u Beogradu danas za predsjednika imate malog Putina“, te kako su napadači u selu Banjska u nedjelju imali opremu koja je proizvedena u Srbiji i koja se ne može kupiti na slobodnom tržištu.

„On je dobio logističku, vojnu, opremu i pripremu od strane Beograda, a takođe dobio je i političke naredbe od predsjednika Vučića.

Ima bezbroj fotografija gdje je Milan Radoičić blizu Vučića na raznim sastancima u Beogradu i meni nije uopšte nikakva sumnja da je Radoičić samo egzekutor. Onaj koji je planirao i naredio ovaj teroristički, zločinački napad na našu državu, da bi prekršio naš teritorijalni integritet, nacionalnu sigurnost i državnu bezbjednost, jeste niko drugi no predsjednik Vučić“, kazao je Kurti.

On je rekao da Srbija pokušava da ih vremoplovom vrati u 90- te.

„U vrijeme Miloševića i Arkana. Sada Slobodan Milošević je Aleksandar Vučić, dok Željko Ražnjatović Arkan jeste ovaj Milan Radoičić, koji je inače veoma poznat po raznim zločinima po Kosovu, pogotovo na sjevernom dijelu, ali i krijumčarenju tamo. Za dvije i po godine koliko sam ja na vlasti mi smo uništili devet laboratorija za proizvodnju droge baš tamo na sjevernom dijelu Kosova.

Ovo nije nikakav građanski otpor, ovo nisu bande koje rade tu da bi krijumčarili dobra, nego su paravojne profesionalne grupe, koje jesu u organizovanom kriminalu, ali sada krijumčare najviše oružje i municiju protiv ustavnog poretka i nezavisnosti države Kosova. Oni su izgubili bitku sa našom policijom u nedjelju i sada žele da se pravdaju i svoj zločinački nasrtaj da politizuju“, rekao je Kurti.

Kosovski premijer je istakao da napadači ne predstavljaju ni Srbe sa Kosova, a, Boga mi, moram da kažem, ne predstavljaju ni srpski narod.

„Oni predstavljaju kapital koji su uzeli od naroda time što su već mnogo godina u organizovanom kriminalu i žele da na rotativan način destabilizuju jedan mjesec Kosovo, potom Crnu Goru, potom Bosnu i Hercegovinu, jer žele da se vremeplovom svi mi vratimo u 90-te“, rekao je Kurti i dodao da su napadači htjeli da u manastir Banjska uđe kosovska policija, pa potom da, kako je rekao, po svijetu dijele fotografije gdje se vide meci po zidovima manastira.

„To se nije desilo, jer je naša policija veoma jaka i veoma profesionalna i oni su pobjegli. Trojica terorista su ubijena od strane naše policije, nekoliko njih je zatvoru, a mi želimo ekstradiciju onih drugih koji su pobjegli, jer oni su sada u Srbiji, neki po bolnicama tamo, a neki možda i slobodni građani“, kazao je on.

Kurti je rekao da je situacija sada mirna zbog kosovske policije, ali da ponovne agresije nisu isključene.

„Zato mi smo veoma oprezni. E sada, sva ta municija i oružje koje je dospjelo na sjeverni dio Kosova iz Srbije je zapravo oružje za rat. Oni su htjeli samo početak tog rata da bude u nedjelju 24. septembra“, kazao je između ostalog Kurti.

BONUS VIDEO: Kurti za AJB: Vučić i Radoičić kao Milošević i Arkan

izvor N1