MASAKR u Albaniji: Izašao iz zatvora, pa ubio tri žene, a ranio još tri… (foto, video)

Među ubijenima je njegova bivša djevojka, te bliske rođake njegove nekadašnje supruge, sa kojom ima i dijete…

Masakr koji se dogodio kod Tirane, šokirao je juče javnost u Albaniji. Jedan višestruki povratnik u izvršenju krivičnih djela na tri je lokacije ubio tri žene, a još tri su teško povrijeđene.

Među ubijenima je njegova bivša djevojka, te bliske rođake njegove nekadašnje supruge, sa kojom ima i dijete. Pritom, prije svega toga, ubica Dani Hutra (40) je ranije, 2007. godine, ubio još jednu bivšu djevojku.

Najprije je ubica, kako izvještavaju albanski mediji, sa kalašnjikovim u rukama ušao u jedan stan, gdje je ubio sestru bivše žene, te suprugu njenog brata.

Da mu nije zakočio kalašnjikov, broj mrtvih bi bio još veći

Srećom po ostale prisutne, u tom momentu je zakočio kalašnjikov, no Hutra je tada uzeo kuhinjski nož i njime nasrnuo prvo na svoju bivšu suprugu, a potom i na njenu majku, Obje žene su zadobile teže povrede.

Nakon toga, on je otišao dalje, u mjesto Kamza, gde živi njegova druga bivša partnerka. Nju je ubio na licu mjesta, a potom se zaputio vozilom u nepoznatom pravcu. No, na kraju je lociran i uhapšen.

Kako se kasnije ispostavilo, prije toga– takođe juče– Hutra je u mjestu Astir nožem napao još jednu ženu i povrijedio je. Ona je primljena u bolnicu.

Ranije ubio još jednu djevojku, robijao šest puta

Seriju zločina Hutra je počinio samo dvije sedmice pošto je pušten iz zatvora, gdje je odsluživao kaznu zbog nasilja u porodici.

No, iza njega je duža istorija zločina – od 2003. godine hapšen je zbog ubistva, silovanja i nekoliko pljački.

Pritom, Hutra je odležao ranije kaznu za ubistvo bivše djevojke koje je nožem počinio 2007. godine.

Javnost u Albaniji tako se danas pita kako je Hutra uopšte mogao biti na slobodi, ali i odakle mu oružje.

BONUS VIDEO: Vrasësi i grave, Dan Hutra vrau 3 gra dhe plagosi 3 të tjera dy javë pasi doli nga burgu

izvor: aktuelno.me